Finfinneetti miseensi Poolisii Hojii Raawwachiisaa Ol'aanaa aanaa ajjeese to’atameera

 

Finfinnee #Ethiopia Caamsaa 04/2015(YMN) Magaalaa Finfinnee Kutaa magaalaa Qiirqoositti Miseensi Poolisii Hojii Raawwachiisaa Olaanaa Aanaa 8 ajjeese to’atameera.

Hojii Raawwachiisaa Ol'aanaan Aanaa 8 Allabbaachaw Amoonya har’a naannawaa sa’aatii 4:00tti wayita hojii idileerraa jiran ajjeefamuu Poolisiin magaalaa Finfinnee beeskiseera.

Qajeelcha Poolisii kutaa magaalaa Qiirqoositti miseensi Ofiisara Pooliisi Hawaasaa buufata Tajaajila Poolisii naannawaa Kaasaanchis kan ta’e dhimma dhuunfaa naaf raawwachuu qabda jechuun yakkicha raawwachuu ibseera.

Poolisichi to’annoo jala ooluun qorannoon gaggeeffamaa jiraachuu ragaan Poolisii Magaalaa Finfinneerraa argame ni mul’isa.

Poolisiin magaalaa Finfinnee gochicha daraan kan balaaleffatu ta'uu ibseera.