Xawalwaallummaa Barametu Mul’achaa Jira

 

(YMN,Finfinnee,Onkololeessa 04,2019) Jawaar Siraaj Mohammad duruu xawalmaallummaadhaan beekama.Kanaan dura xawalwwaallummaa isaatiin wantoota hedduu nutti mul'iseera.Tartiibaan tarreessinee himuun dandeenya.Kanaafis ga'uumsa qabna.Waan darbe gonkumaa hindagannu.

Bara jalqaba jijjiiramaa 'kaalkuleetariin jijjiiramaa anadha’ jedhee Jawaar akka malee bookkisaa ture.Itti fufees ‘Koompiyuutara Laptop qabsoo Qeerroo ittiin hoogganaa ture hooggansa jijjiiramaatiif badhaaseen jira’ jedhee nutti hime.Of jajasaa itti fufuudhaan godinaalee Oromiyaa keessa naanna’uun ummata wajjin mari’ateera.Kun waan gaarii ture.

Garuu Jawaar nama ejjennoo qabateen turuu danda’u waan hintaaneef deeggarsa hooggansa jijjiiramaatiif qabu battalatti jijjiiruudhaan mormaa hooggansa jijjiiramaa ta’uun socho’uu jalqabe.Mormiin inni hooggansa jijjiiramaa irratti dhageessisu akka kan qabus hinturre.Siyaasa jibbiinsaatiin kan laaqame ture.

Mootummaan jijjiiramaa ‘Ahaadaawiidha,kan sirna Atseewwanii lelisudha’ jechuunis olola jibbiinsaa facaasuudhaan hooggansi jijjiiramaa ummataan akka jibbamuuf carraaqqii ol’aanaa taatiseera.Shirri warra waayyaanee wajjin shire garuu halkan tokko isa saaxile.

Magaalaa Finfinnee keessatti nagaan utuu jiraachaa jiru ‘halkan marfameen jira,nadhaqqabaa’jechuunis fuula Facebook isaarratti ergaa dabarfate.Deeggrtoonnisaa dhugaa se’anii birmachuuf yaalan.Booda dhugaan beekamnaan wanti hundumtuu qulqullaa’aa dhufnaan hunduu fuula irraa gargalfate.

Sababa waamicha shiraa Jawaar dhageessiseen hookkarri ka’ee lammiiwwan hedduun akka miidhaman taasiseera.Keessumattuu Shawaa ba’aa,magaalaa Shaashamnneefi naannawasaatti gochi saamichaa akka raawwatamu taasiseera,Kanaanis lubbuun namoota hedduu darbeera.Qabeenyi namoota dhuunfaa saamameera.Manneen jireenyaa hedduun gubataniru.

Miidhamni kun hundi kan mudate sababa shira Jawaar warra Waayyaannee wajjin qindaa’uudhaan Shireen akka ta’e nibeekama.Hooggansi jijjiiramaa akkuma dhimmoota kanneen birootiifis ‘Haabultu dubbiin’jedhu kanas bira darbe.shira qindaawaa kanas yerootti obsaan ilaalaa ture.

Takka ture Jawaar sababoota adda addaatiin seeraan gaafatmuunsaa dirqama waan ta’eef seeratti akka dhiyaatu taasifame.Yeroo muraasaaf erga hidhamee booda hidhaa irraa waan gadi lakkifameef gara Keeniyaa dhaquudhaan achuma jiraachuuf dirqame.

Badiin gara garaa biyya keessatti raawwachaa ture sammuusaa waan dhiphiseef gara biyyaatti deebi’uuf onnachuu dadhabe.Mirri sodaa isa marsee qaamasaa hundatti dhangaloofnaan Televizyiniin dhuunfaa ‘Arts tv’ jedhamu gara Keeniyaa Naayiroobii dhaqee dhimmoota adda addaa irratti gaaffiifi deebii akka taasiseef agarre.

Jawaar gaaffiifi deebii Gaazexessaan Darajjee Hayilee jedhamu Naayiroobiitti taasiseef san keessatti wantoota hedduu fudhatamummaa argachuu ittiin danda’u mannaageera.Watoota hedduu irra dibaan akka dubbate yeroo sanas beekna waan ta’eef Jawaar Sobasaa akka diddige battalatti itti himneerra.Jawaar amma Keeniyaa hinjiru sodaansaa waan itti hammaateef gara Awurooppaatti baqatee achuma jiraachaa jira.

Jawaar miidiyaa ‘OMN’ maqaa ummata Oromootiin dhalattoota Oromoo biyyaalaa jiraatan  irraa maallaqa walitti funaanee hundeesse saameera.Maallaqa ol’aanaas akka fudhate hojjettoonni ‘OMN’ yeroo adda addaatti akka saaxilan nibeekama.Ofiifuu gocha hannaa ol’aanaa keessatti cuuphamee utuu jiruu hooggantoota Badhaadhinaa hunda gocha hannaafi saamichaatiin himata.Olola jibbiinsaa ololaa jiruun kun afaansaa keessaa akka hindhabamne argaa jirra.

Tooftaa dhiyeenya kanaa asitti Jawaar ittiin dhufe amma itti aansinee ilaaluun barbaachisadha.Jawaar jibba hoogganaa biyyaa muummicha ministiraa Dr.Abiy Ahmad irratti qabu cimsee akka itti fufe sochii qabatamaa inni gochaa jiru irraa hubatameera.Hooggansa cimaa ummanni bal’aan barbaadee filate Jawaar jibbuun wanti fiduu danda’u jiraachuu baatus shira Jawaariifi ergitootasaa saaxiluun garuu dhimma murteessaadha.

Dhiyeenya kana gareewwan mormitoonni mootummaa Itiyoophiyaa warri waayyaannee walitti funaane humnaan mootummaa Itiyoophiyaa taayitaa irraa fonqolchina jechuun dhaadatan.’Yeroo gabaabaa keessatti Badhaadhina awwaallee mootummaan ce’uumsaa Itiyoophiyaatti akka hundeeffamu goona’ jechuuns akka malee caraanan.Waan gochuu hindandeenye adda babayiitti ba’anii himan.Amma iddoon isaan jiranuu hinbeekamu.

Jawaar fakkeessaadhaan gareewwan 7 mootummaa Itiyoophiyaan fonqolcha jedhanii gamtaa uummatan kana keessatti hirmaachuu hinbarbaadu akka jedhe dhageenye.Boodarra innuu gadi ba’ee mootummaan akka hinjigneefin isaan morme jedhee ololeera.Kun akkuma barame Soba Jawaar fudhatamummaa ittiin argachuuf irra deddeebi’ee nama amansiisuuf ittiin wixiffatedha.

Amma Waayyaanneen inni lalisuun jalaa burkutooftee jirti.Karoorri Itiyoophiyaa bittinneessuu Egypt qabattes galmasaa ga’uu hindandeenye.Hojii raawwachiisaan biyya Misiraa Shaabiyaanis lubbuun keessaa ba’uuf wixiffachaa jira.Jawaar haala jiru hunda guyyuutti sirritti waan hordofuuf haqa kana sirritti beeka.Ergamtummaan isaa shiraan dabaalames jalaa fashalaa’aa jira.Ammaan tana waraana adeemsifamaa jiru wajjin  walqabatee gorsawwan adda addaa kennaa jira.Gorsasaa  fudhatee kan hojiirra oolchu jiraachuu baatus  miidiyaawwan hawaasummaa adda addaa irratti xibaaraa akka jiru nibeekama.

Egaa itti himna adabadhu! jennaan. Muummichi ministiraa Itiyoophiyaa Abiy Ahmad ati jibbituun biyya guddoo  addunyaan ajaa’ibsiifateen Itiyoophiyaa gara fuulduraatti tarkaanfachiisaa jira.Gara biyyaatti deebitee Abbichuu wajjin waltaatee hojjechuu akka hinfeene irra deddeebitee akka himte dhageenyeerra.Ammaan booda innuu ofitti sindhiyeessu.Jireenya godaantummaatiin jaanja’uudhaan umuriiknkee akka dhumu shakkiin hinjiru.

Hamma lubbuun jirtutti Itiyoophiyaa irraa dhaabbadhu!Mootummaan abbaa qaba! Mootummaan ati diigumsarraa baraartus hinjiru.’Mootummaan diigama irraa baraara’ jettee ololakee barame nutti hinololin jecnnaan.Waan dubbiftaniif galatoomaa!Fayyaa ta’aa waan tana Jawaaris akka dubbisuuf biraan gahaa