Iraan akka biyyaatti gaddarra jirti

Finfinnee Caamsaa 12/2016(YMN) Iraan dhugaa qabdi.Balaa Heeliikooptaraa kaleessa mudateen hooggantoota biyyattii dhabde.Pireizidaantiin biyyattiifi ministirri dhimma alaa balaa kanaan akka du'an mirkanaa'eera.Miidiyaawwan idil addunyaa hedduun dhimma kana irratti xiyyeeffachuudhaan gabaasaa jiru. Kaleessa Heeliikooptarri qondaaltoota biyyattii yaabbachiifte bakki geesse waan dhabameef  yaaddootu ture.

Ganama kana qondaaltoonni biyyattii ol'aanaan kun akka du'an mirkanaa'eera.Pirezidaant Ibraahiim Raayisiifi ministirri dhimma alaa Huseen Amiir Abdulaahiyaan waliin imalaa turan jedhameera.Balaan Heeliikooptaraa kun sababa haala qilleensaa rakkisaa ta'een Iraan kaabaa naananwa Azarbaajaan keessatti kan mudate akka ta'e himameera.

Iraan balaa Heeliikooptaraa kutaa biyyattii gara kaabaatti kaleessa mudateen pirezidaantii biyyattii Ibraahiim Raayisii dabalatee hooggantoota ol'aanaa 8 akka dhabde himameera.Kun akka biyyaatti baay'ee ulfaataadha.Suukaneeaassaadha.Balaan kun sababa haala qilleensaa rakkisaa rooba cimaa qabuun akka mudate himameera.Balaa suukaneessaa akkanaa kana irraa nuhaabaraaru

Iddoon pireezidaant Ibraahiim Raayis balaa Heeliikooptaraatiin itti du'an Taabriiz jedhamti.Pirezidaantichi filannoo biyyattiitti gaggeeffameen injifachuun taayitaa kan qabatan ALA bara 2021 keessa akka ta'e himameera.Sababa balaa kanaatiin hooggansa biyyaa Iraan irratti rakkoon mudatu hinjiru jedhamaa jira.Wanti hundumtuu akkuma kanaan duraatti itti fufa.Taayitaan irra jiraan hoogganaa amantaa biyyattii Ayaatoolaa Kaaminii harka jira waan ta'eef gufuun mudatu akka hinjirre himameera.Hanga filannoon pireezidaantummaa akkaataa heera mootummaa biyyattiitin gaggeeffamutti qaawwi hooggansa irratti uumamu hinjiru jedhameera.