Marii ilaafi ilaamee hooggantoota ol'aanaa

Eebba Hidha Haaromsaa booda muummichi  ministiraa Dr.Abiy Ahmad Guubaatti hooggantoota wajjin mari’ataniiru.

Dhimmi irratti mari’atame himamuu baatus Abbichuun haala kanaan hooggantoota biyyaalee gaanfa Afrikaafi  dura taa’aa komishiinii Gamtaa Afrikaa Mohaamuud Alii Yasuuf wajjin mari’achuun isaanii hiika guddaa qaba.

Muummichi keenya haala suuraadhaan daawwattan kanatti kan mari’atan pirezidaantii Soomaaliyaa Hasan Sheek Mohaammad,pirezidaantii Keeniyaa Wiiliyaam Ruuttoo,pirezidaantii Jabuutii Ismaa’eel Uumar Giileefi dura taa’aa komishiinii Gamtaa Afrikaa Mohaamuud Alii Yasuuf wajjini.

Hooggantoonni biyyaalee gaanfa Afrikaa  akkanatti walgahanii mari’achuun,ilaafi ilaamee jechuun  nagaafi tasgabbii naannawichaa amansiisaa taasisuufi bu’aa waloo gama siyaasaafi hawaas-diinagdeetiin barbaadamu argamsiisuuf shoora ol’aanaa gumaacha.

Kun hunduu kan ta’e walitti qabdummaa Abbichuutiin ta’uunsaa nugammachiisuu bira darbee nuboonsa!