Filannoo Waliigalaafi Badhaadhina Keenya!

  

(YMN,Finfinnee,Waxabajjii 16,2018) Filannichi  seenaa-qabeessuummaan isaa galmee seenaa irratti qabameera.Dhuguma! filannoon waliigalaa marsaa 7ffaa milkaa’inaan xumurameera.Bu’aan filannichaa kan waliigalaas qaama dhimmichi ilaallatu Boordii Filannoo Itiyoophiyaatiin Waxabajjii 14,2018 ifoomsameera.

Bu’aan boordichi ifoomse akka mul’isetti paartiin Badhaadhinaa irra aaneera.Carraa biyya bulchuu marsaa 2ffaa harkatti galfateera.Tilmaama dura tureen paartiin Badhaadhinaa filannichaan sagalee caalmaa galmeessisuu akka danda’u nibeekama ture.Amma waanuma baay’oonni tilmaamntu qabatamaan ta’ee mul’ate.

Ummanni bal’aan Nagaa,Misoomaafi Badhaadhina waaraa akka barbaadu sagaleesaatiin himeera.”Abbaatu Of Mara Jedhe Boofni”

Bu’aa ol’aanaa Badhaadhinni galmeessiseen firri gammadeera,diinni ammoo akka malee gaddeera.Mataan diinaa hadi dhundhuleera.Baga! jenne.Nutu dhugaa kana sirritti beekna.Gammachuun firaa itti fufinsa akka qabaatuuf gaddi diinaa ammoo  diina durumayyuu qarqara hallayaarra jiru hallayyaatti akka isa gatuuf ciminni Badhaadhinaa itti aanu murteessaadha.

Bu’aa amma galmeeffameen gammaduun taa’uun waan qaanessaa akka ta’etti fudhatamuu qaba.Fiigicha hooggansi ol’aanaan keessumattuu pireezidaantiin paartichaafi muummichi ministiraa Itiyoophiyaa Dr.Abiy Ahmad irra jiran miseensotaafi deeggartoota paartichaatiin utubamuutu irra jiraata! Mitiiree Yaa Jamaa!Fuulduratti waan hedduu jennutu jira.