Mootummaan dandamannaa diinagdee Uummata gammoojjii guddisuuf hojjechaa jira-Obbo Shimallis Abdiisaa

 

Finfinnee #Ethiopia Caamsaa 02/2015 (YMN) Mootummaan dandamannaa diinagdee Uummata gammoojjii guddisuuf xiyyeffannoo ol’aanaan humna, beekumsaa fi qabeenya qabu qindeessuun hojjechaa akka jiru Pireezidaantiin Mootummaa Naannoo Oromiyaa Obbo Shimallis Abdiisaan himan.

Hojiin Miidhaa hoongee irra deddeebiin muudatuu danda'u hambisuuf Pirojektoota Bishaan kuusuuf oolaniin jalqabne fayyadamummaa Uummataa mirkaneessurra darbeee hojii kana boodaaf galtee guddaa kan irraa argannedha jedhan pirezidaant Shimallis fuula miidiyaa hawaasummaa isaaniirratti ergaa dabarasaniin.

Bara kana godinaalee kudhan keessatti hanqinni roobaa nu mudatee ture.

Godinoota gammojjii hanqina roobaatiin saaxilamummaan hongee ol’aanaa ta'eetti Mootummaan Naannoo Oromiyaa deeggarsa yeroo qindeessuun cinaatti, ittifufiinsaan rakkinicha furuuf, dandamannaa diinagdee Uummata gammoojjii guddisuuf xiyyeffannoo ol’aanaan humna, beekumsaa fi qabeenya qabnu qindeessuun hojjechaa ture jecuuun ibsaniiru.

Piroojaktoonni Jallisii Bishaan kuusuuf godina Booraanaatti hojjetamaa jiran, Deeggarsa galteewwan gara garaa Mootummaan taasisaa ture waliin dabaalamuun hojiin hojjetame diinagdee hawaasa horsiisee bulaa jabeessuun fayyadamuumma hawaasa dabaluufi wabii nyaataa mirkaneessuu keessatti shoora guddaa kan qaban ta'uu eeraniiru.

Hojii waqtii Arfaasaa kanaan naannawa gammojjii rakkoon kun muudatetti hojjetameen mirkaneeffanneerra.kanarraa ka'uunis hojii Piroojaktii Bishaan kuusuu godina Booranaatti hojjechaa jirru haaluma wal fakkaataan godinaalee biroottis akka babal'atuuf mootummaan karoora yeroo dheeraa fi gabaabaa qabatee hojjechaa akka jiru ibsaniiru.

Hojiin Hawaasa rakkoo hongeen miidhaman dandamachiisuuf hojjetamaa jiru humna kuufamaa qabnu kan nutti agarsiiseefi gara fuulduraattis hojii wal fakkaata jabeessinee itti fufu akka qabnu kan akeekedha.

Piroojaktiin Bishaan kuusuu(cimmisuu) jalqabne rakkoo bishaan dhugaatii hawaasa itti fufiinsaan kan furu yoo ta'uu, gama biraatin hawaasni hojii jallisii hojjechuun diinagdee isaa akka fooyyeffatuufi fayyadamummaa hawaasaa daran kan dabalu waan ta'eef humna qabnu maraan cimsinee kan itti fufnu ta'a!jedhaniiru