Magariisummaa keenya addunyaatu daawwata

  

Finfinnee #Ethiopia Sadaasa 21/2016(YMN) Itiyoophiyaan teenya yaa'ii koop 28ffaa irratti hojiiwwan rakkoo jijjiirama haala qilleensaa hir'isuuf hojjechaa jirtu agarsiisaaf dhiyeessitee jirti.

Yaa'iin 28ffaan dhimma haala qilleensaa addunyaa irratti mari'atu Immireetoota Araba gamtoomanii Dubaayitti adeemsifamaa jira.Muummichi ministiraa Dr.Abiy Ahmadiifi gareen mootummaa Itiyoophiyaa isaaniin hoogganames yaa'ii kana irratti hirmaachaa akka jiru beekameera.Minisirri karooraafi misoomaa Dr. Fitsum Asaffaa kaleessa akka beeksisanitti Itiyoophiyaan hojiiwwan Ashaaraa magariisaan hojjechaa turte agarsiisaaf dhiyeessitee jirti.

Agarsiifni Itiyoophiyaan adeemsa yaa’ichaa sababeeffachuudhaan Dubaayitti qopheessite kun mala gaariidha.Jijjiirama duula Ashaaraa  Magariisaan waggoota darban keessa Itiyoophiyaa keessatti qabatamaan galmeeffame hawaasa idil addunyaatti mul’isuuf shoora guddaa gumaacha.

Addunyaan waldhabdeefi  beelaan nubeektu misoomaanis Itiyoophiyaan jijjiirama qabatamaa galmeessisaa akka jirtus haabaran.Jijjiiramni Ashaaraa magariisaan galmeeffamaa jiru hawaasa idil addunyaatiini akka hubatamuuf waltajjii agarsiisaa kana Dubaayitti qopheessuu danda’uun waan guddaadha.

Itiyoophiyaan Yaa’ii jijjiirama qilleensaa 28ffaa Dubaayitti qophaa’erratti muuxannoo misooma Ashaaraa magariisaashee Addunyaaf akka qooddu, Ministirri Karooraafi misoomaa Dr.Fitsum Asaffaa himaniiru.

Dr. Fitsum Asaffaa yaa’icha ilaalchisuun ibsa kennaniin Itiyoophiyaan agarsiisa Dubaayittii qopheessiteen milkaa’ina gama Ashaaraa magariisaafi kanneen biroon galmeessifte hawaasa addunyaatti beeksisuuf carraa gaarii ni argatti jedhan.

Itiyoophiyaan agarsiisa yaa’icharratti qophaa’e irratti hojiilee Ashaaraa Magariisaa beeksisaa jirti jedhan.

Kanaan alattis Lafa Kaareemeetira kuma 1fi 500 irratti Agarsiisa guddaa qopheessuun muuxxannooshee qoodaa akka jirtu himan.

Yaa’icharratti hooggantootni haasawaa taasisuun, walga’iiwwan kanneen biroo irratti hirmaachuun dhiibbaa Jijjiirama haala qilleensaan gahaa jiru qolachuurratti Itiyoophiyaan sagalee ishee ni dhageesifti jedhaniiru.Kanaanis Itiyoophiyaan Sagalee Afriikaa ta’uuf carraa ni argatti jedhan.Keenya ooluma kan jechaa jirru sababa qabatamaa waan qabnuuf akka ta’e beekamuu qaba!