Rundaasaa Maal Jettee,Soba Odeessitee?

  

 

Finfinnee #Ethiopia Sadaasa 15/2016(YMN) Namtichi suuraasaa daawwattan kun Rundaasaa Isheetee jedhama.Waan inni odeessu irraa akkan hubadhetti biyya Ameerikaa jiraata.Gaaffiifi deebii Eermkiyaas Laggasaa wajjin tibbana mariin nagaa  Daaree salaam  bu’aa malee erga xumuramee booda taasisan tokko hordofeen ture.

Kan jedhaa turan keessaa waan xiqqishuu tokko qofaa irrattin xiyyeeffadhe.Eermiyaas duruu gantuudha.Kan Eermiyaas mannaagu dhiiseen dhimma ijoo Rundaasaan kaase tokko  irratti xiyyeeffadha.Waa’ee Finfinnee!

Rundaasaan dhimma kana kan kaase ajandaa uumuuf akka ta’e beekamaadha.Garuu kan tuffatamee bira darbamu akka hintaane waanan hubadheefan dhimma kana irratti xiyyeeffadhe.

Sababa mariin Daaree Salaamitti torban lamaaf gaggeeffamaa ture ittiin gufate keessaa tokko’Muummichi Ministiraa Abiy Ahmad Addis Ababaa malee Finfinnee hinjedhu jechuusaati’ jechuun dubbate Rundaasaa Esheetee.Dhugumaaree Rundaasaa?si’ammannuu?Amma ati kanaan ajandaa diigumsaan uume  jettee yaaddaa? Shira  akkanaa kanatu waggoota shantama caalaniif laffarra foqoqaa akka turtaniif isin saaxilee bar!

Yaadini kun hooggantoota cimoo kan akka Galaasaa Dilboofaa,Dr.Diimaa Nagawoofaa,Leencoo Lataafaa,Ibsaa Nagawoofaa,Qajeelaa Mardaasaafa’iifi kanneen biroo kallattii sirrii qabachuudhaan biyyaafi ummatasaanii tajaajilaa jiran hin ilaallatu.Isaan dogongora irraa deebi’uun kallattii sirriidhaan  biyyaafi ummatasaanii tajaajilaa jiru waan ta’eef isaaniif hundatu kabaja kenna.Xiyyeeffachuun kan barbaachisu ergamtoota salphattoota irrattidha.

Waa’een maqaa Finfinnee amma ajandaa marii Nagaa ta’a jedhamee hinyaadamu!Maalif dhamaatu?Dhimmi kun jaalalaafi deeggarsi Ummanni Oromoo muummicha ministiraa Dr.Abiy Ahmadiif taasisaa jiru nihanbisa jedhanii yaadan.Habadan ummanni Oromoo kanaan hinburjaaja’u.Ajandaa biraa barbaaddadhaa!

Karaa birootiin Shaneen ergamtuu diinaa akka taate Ummanni erga hubatee tureera.Oromoon hundi dararamaa waan isin deeggaru isinitti fakkaate.Abdii kutadhaa!Hojii dhabaa dogongorsuudhaaniifi dirqamaan walitti qabuun injifannoon isiniif fiduu dandaa’u gonkumaa hinjiru.

Dubbii keenya irratti Shaneen balbala Nagaa Mootummaan Itiyoophiyaa bal’isee bane cufuuf kan dirqamte sababa maaliitiin akka ta’e beekamaadha.Dirqamaafi ergama diinaan kennametu akka isin dhabsiise,beekna.

Namtichi Dirribaa kumsaa ‘Marroo’ jedhaniin waltajjii marii Daaree salaam irraa ba’een yeroo boqonnaatti ergaa isiniif dabarse jechuun waan odeese tokko miidiyaa hawaasummaa irratti gadhiisaniiru.Kana irraayis wanti hubatame jira.Waraanni bilisummaa Oromoo bajannisaa buusii miti jedheera.Bajannisaa miliyoonaan lakkaa’ama jedhee hime.

Kana jechuun diinni alaa bajata guddaa ramaduudhaan ergamtootti fayyadamaa jira jechuudha.Dhugaan jiru kanadha.Diinni Itiyoophiyaan akka diigamtuuf wanti hingoone hinjiru.Maallaqni ramadamee meeshaan waraanaas dhoksaadhaan dhiyaachuu danda’a.Garuu wanti yaadaniifi kaayyeeffatan argamuu hindanda’u.Itiyoophiyaa diigna jedhanii qabeenyaafi maallaqasaanii harcaasan.Garuu bu’aan argatan gonkumaa hinjiru.

Gocha shiftaa barameen wanti kanaan dura yaalan ammaan boodas yaalamuunsaa waan hinoolledha.Dhugaan qabatamaan burjaaja’uumsa ummata bal’aa hin uumane amma beekameera.Balbala Nagaa Mootummaan baneefi waliigaltee nagaa ummanni bal’aan si’aayina guddaadhaan eegaa turetti bishaan kan naqe ergamaa diinaati.

Haqni kun amma hubatameera.Shaneen ammaan booda ummata keessa dhokattu hinqabdu.’Nita’a jennee harree qalle hinta’u jennaan harree ganne’ siin jechaa jira.Diinni siergachaa jiru abdii sirraa dhabuun fuula sirraa gargalfachuunsaa waan hinoolledha.Warri shanee kana baraa!Kanaaf Rundaasaa Isheetee Ajandaan uumuuf yaalte gonkumaa fudhatama hinqabu.Ilmi Abbaa Gadaa Looreetiin Ngaa muummichi ministiraa Itiyoophiyaa Dr.Abiy Ahmad Addis Ababaa Malee Finfinnee hinjedhu’jechuudhaan hindubbatan ejjennoos hinqaban, Rundaasaa hinsobin.Yoo dandeesse hamma molooftetti yaadi!