Misoomaafi Guddina Magaalaa Finfinnee Eenyutu Jibbaa?

 

Finfinnee Waxabajjii 22/2016(YMN) Magaalaan Finfinnee jijjiirama qabatamaa mul’isaa jirti.Daandiiwwan dhiphatanii turan amma bali’ifamaa jiru.Gandoonni quucaranii waggoota hedduu lakkoofsisan amma nadaawwadhaa jechaa jiru.

Haala kana kan uume hojii misooma koriidarii Finfinnee keessatti hojjetamaa jirudha.Torban lamaan dura hojiin misooma kooriidarii Birbirsa Gooroo irraa hanga Araat Kiilootti halkaniifi guyyaa hojjetamaa ture xumuramuudhaan tajaajilaaf banaa ta’eera.

Tibbana ammoo hojiin misooma koriidarii adda babayii Meeksiikoo irraa hanga Saarbeetitti(moggaasa maqaa Oromoo naannawaa kanneenii yaadachuun dadhabe) hojjetamaa ture xumuramuudhaan tajaajila hawaasaasaatiif banaa ta’eera.Misoomani koriidarii naannawa Magganaanyaafi kanneen biroottis eegalamuun hojjetamaa jiru finiinuudhaan itti fufeera.

Sababa kanaan ijjii diinaa diimateera.Misoomaafi guddina Finfinneetiin eenyufa’i gadda keessa akka jiran beekamaadha.Humnoonni jijjiirama morman hunduu bu’aa qabatamaa mul’achaa jiru kanaan mira gammachuu qabaachuu hindanda’an.Gaddatu itti dhaga’ama.Humnoonni nutu isiniif beeka jechuun Oromoo qorqaa turan jijjiirama hooggansa Oromootiin amma dhufe jajuu hindanda’an.Inumaatuu yoo haala mijaawaa argatan hojiiwwan misoomaa Magaalaa Finfinnee keessatti mul’atan barbadeessuuf onnatu.

Kantiibaan Magaalaa Finfinnee Adaanach Abeebee dhugaa kana irraa ga’uudhaan hawaasni pirojaktootaa misoomaa ijaarsisaanii xumuramee tajaajilaaf ga’an eeggachuufi kunuunfachuun akka itti fayyadamuuf irra deddeebiidhaan ergaa dabarsan.Muummichi ministiraa Dr.Abiy Ahmadis haaluma walfakkaatuun ergaa kana hawaasaaf dabarsaniiru.

Diinni Oromoon biyya hoogganuu hindanda’u jechuun ololaa ture,hooggansi Oromoo biyya hoogganuu bira darbuun misooma biyyaatiif carraaqqii taasisaa jiruun bu’aa guyyuutti galmeessisu ija gaariidhaan ilaaluuf seexaa hinqabu.Jibba hammaataa qabutu kanaaf isa saaxile.Maal goonaree?Haaboba’an,callifnee ilaallaan.Bu’aa galmeeffamaa jiru kan diiguuf wixiffatu dura dhaabbachuun keenya ammoo waan hinoolledha.

Hojiin misooma kooriidarii muuxannoo Magaalaa Finfinnee qooddachuudhaan Magaalota Naannoo Oromiyaa dabalatee Magaaloota Nananolee kanneen biro keessattis jalqabamaa jira. Kun ammoo dhawaatan guutuu Itiyoophiyaatti kan babal’achaa deemu ta’a.Oromiyaa keessaa Magaalaan Jimmaa,Shaashamannee,Bishooftuufi kanneen biroos jalqabbii gaariirra jiru.

Magaalaawwan Naannoo Amaaraa keessaa ammoo Baahirdaariifi Kombolchaan jalqabbii abdachiisaarra akka jiran hubatameera.Sosochiin kun dhawaataan waggoota muraasa keessatti Magaaloota Itiyoophiyaa hunda bira kan ga’u ta’a.Diinni keessaafi alaa kana arguus abdii kutachaa deema.Hojii qabatamaa Badhaadhinaatu diina hunda  abdii kutachiisa.Homaa gochuu hindanda’an abdii haakutatan!