Dhugaawwan qabatamaa Getaachaw Raddaa Hime

Finfinnee Adoolessa 23/2016(YMN)‘Waliigalteen Nagaa Piriitooriyaa erga mallatteeffamee waggaa 1fi baatiin 8 lakkaa’ameera,dhugaa dubbachuuf akka waliigalteen nagaa Piriitooriyaa ajajutti Nagaa Maqaleefi guutuu Tigraay kan eegu mootummaa Federaalaati’ Ob.Getaachoo Raddaa

Aktivistoonni Tigraay, Waayyaanneen biyya alaa jiraachisuun soortuun, kan akka Staaliin Gabrasillaasee,Maariyaamaawiit,Eermiyaas Laggasaafi kanneen biroo yoo onnee qabaatan ibsa bal’aa obbo Getaachoo Raddaa Afaan Tigreetiin kaleessa kenne afaan hundi danda’u gara Afaan Amaaraatti hiikuu qabu,garuu isaan kana hin godhan.

"Waliigaltee Nagaa Piritooriyaa mallatteessuu kootiin gantuufi baandaan jedhame" jedheera Geetaachoo Reedaa.

Getaachoon waanan ukkaamameefan gara miidiyaatti bahe jedheera.Karaa miidiyaa Waayyaannee Dimtsii wayyaanee(Sagalee Wayyaanee)jedhamuun hafuura baafachuu danda'uun isaa ammoo nama ajaa'ibsiisa.Tarii wanti kun shira qabdii laata? nama jechisiisas.

Getaachoon Dimtsii wayyaanee waliin sa'aatii lamaa ol tureera.Waan inni jedhe guutummaatti beekuufi dhiyeessuun rakkisaa ta’us hangan hubadhen isinitti hima dubbisa gaarii.

‘Waliigaltee Nagaa Piriitooriyaa kan mallattessinee dhufne ummanni Tigraay miidhama irraa akka baraaramuufi.Badii mudate hundaaf ga’een hooggansa siyaasaa guddaadha.Waliigatee taasifameen rakkoon hundumtuu furmaata argata jechuun hindanda’amu.

Lammiiwwan buqqa’an gara qayee isaaniitti deebisuuf waliigaltee nagaa mallatteeffameen haalli mijaawaan uumameera.

Ani pirezidaantii yeroo ca’uumsaa ta’ee ergan hojii eegalee asitti waanan danda’u gochuuf yaaleera.Rakkoon tasgabbii dhabuu hawaasaa fala akka argatuuf carraaqqiin taasifameera.Buqqaatoonni iddoo jireenya isaaniitti akka deebi’aniif  mootummaan ce’uumsaa carraaqeera.Hooggansi siyaasaa dhimma kana irratti wanti hojjete hinjiru.

Lammiiwwan gara Suudaanitti baqatanis jiru.Akka deebi’aniif hojjetamuu qaba.Torban itti aanu irraa eegalee buqaatoonni guutummaatti akka deebi’aniif hojjenna.

Waliigaltee nagaa piriitooriyaa gama hojiirra oolchuutiin hanqinni jira.Kanaaf quba walitti qabuun hinbarbaachisu.Sochiin hawaasa deebisuuf eegalame itti fufuu qaba.Mootummaan Federaalaas deegagrsa gahaa taasisaa jira.Kanneen kana gufachiisuuf socho’an gocha isaaniirraa of qusachuu qabu.

Waliigalteen Nagaa Piriitooriyaa erga mallatteeffamee waggaan tokkoofi baatiin saddeet lakkaa’ameera.Waliigalteen kun kan mallatteeffame mootummaan Federaalaa Maqalee too’achuuf wayita dhiyaatetti.Duubatti deebi’uun waan hintaane keessa seenuu irra, waliigaltee taasifame  hojiirra oolchuutu filatama.

Kan waliigaltee mallatteessinee dhufneen  mootummaa diigdanii dhufatan jedhame.Mootummaa miti,utuu waliigalteen nagaa Poriitooriyaa mallaatteeffamuu baatee waan baay’eetu bada ture.

Nuti birmadummaan Tigraay akka kabajamuuf hojjechaa jirra,hundumaafuu murteessaan Ummata Tigraay waan ta’eef  murtee inni kennu fudhachuutu barbaachisa.

Amma pirezidaantii ummataan filatamee miti kan jiru.Dura irratti Dr.Dabratsiyoon pirezidaantii Yeroo ca’uumsaa akka ta’uuf yaadamee ture.Muummichi ministiraa Dr.Abiy Ahmad waan didaniif hafe.Namoota torba eeraman keessaa akka tasaa anatu filatame.Dhuma irratti filatamuukoo fudhataniiru.Dr.Dabratsiyoon miseensa kaabinee yeroo ce’uumsaa ta’ee itti fufe.Bitootessa 20 irraa eegalee bulchiinsa mootummaa ce’uumsaatu jira.Bulchiinsichi Jalqabuma rakkoodhaan xaxame.

Dura irratti buqqaatoota deebisuuf xiyyeeffannoon kenname.Tajaajila hawasaummaa kennuun xiyyeeffannoo itti aanu ture.Dhimma nagaafi tasgabbii Tigraay amansiisaa taasisuufi waa’ee filannoo itti aanuu irratti hojjechuunis dhimma ijoo ture.

Ani gama kootiin carraaqeera.Garuu yeroon walgayiidhaan bade.Namoonni gaariin Dargaggoonni ga’uumsa qabaniifi miseensa kaabinee ta’an hojjechuuf yaalii taasisaniiru.

Bulchiinsa yeroo ca’uumsaa keessatti TPLF sagalee caalmaa qaba.Hanga humni hayyametti hojjenneerra.Duula banamuun abalu badhaadeera jedhama.Gara Yihudaatti jijjiirame jedhama.Wanti hundi yoo ilaalamu falmii taayitaatu jira.Itti aanaan pirezidaantii lakkoofsaan baay’eedha.Kan mindaa qofa fudhatutu jira.Anis guutummaatti hin hojjenne.

Buqqaatoota beela’an,dheebotaniifi qaamni isaanii irratti gogeef kan yaadu hinjiru.Hojiin kana jedhamee himamuufi hojjetame hinjiru.Walfalmiin jiru teessoo taayitaa argachuu qofa irratti kan xiyyeeffatedha.Yeroo walgayiin gaggeeffamu hundatti dhimma waliigaltee Piriitooriyaa haaqorannu jedhama.

Rakkoo tasgabiitti fala waaraa argamsiisuun kan dadhabame rakkoon siyaasaa bu’ura gadi fageeffate waan jiruufi.Haala hojmaata miidiyaa haajijjiirru jennee waliigallus koreen miidiyaa hinjiru.Akka Faanaafi waaltaatti hinhojjennu jedhamee balaaleeffatama.Dhimma ummata Tigraay irratti yaahojjetamu jedhamus fudhatama hinargatu.

Namoonni hojjetan gantootaafi baandaa jedhamuun qeeqamu.Eenyu haaturu,eenyu ammoo taayitaa irraa haabu’u jedhamee falmamaa oola.

Hundumaafuu mootummaan yeroo ce’uumsaa waan danda’u hojjechuuf yaaleera.manni marii yaahundeeffamu,fooyeessa haatasifnu jedhamee yoo himamu TPLF diiguufi?dhaabbata keenya diiguufi?jedhamee falmama.Guutummaatti hooggansa irratti nuuf hinmilkoofne.

Haala qabatamaa amma jiruun rakkoon weereera lafaa jira.Sochiiin shiftaa jira,Daldala oomisha Sibiilaafi warqeetu jira.Kana irrati walitti dhukaasuunuu mudateera.Hojimaata badaa jiru sirreessuuf carraaqqiin jira.Sosochii hawaasaatiin nagaafi tasgabbii naannawaa amansiisaa taasisuun barbaachisaadha.Ummata hirmaachifnaan wanti ulfaatu hinjiru.Namni sibiila birrii miliyoona 8’tti gurgure mana murteetti dhiyeeffamus wabiidhaan gadilakkifama.Kun sirrii miti.Lafa kan weereeree qabatu poolisiidha jedhama.Namoota ukkamsuun maallaqa gaafachuun jira.Gufuuwwan kun akka dhaabbataniif tarkaanfii fudhanna’ jedheera Getaachaw Raddaa turtii Dhimsii waayyaannee waliin taasiseen.Humnasaa isa kamiin kana godha laata?gaaffiin jedhu akkuma jirutti ta’ee haalli jiru yoo xiinxalamu namtichi dhiphina guddaa keessa jira.Waan dubbiftaniif galatoomaa fayyaa ta’aa!