Filannoon Pirezidaantummaa Milkaa’inaan xumurame

  

(YMN,Finfinnee Sadaasa 05/2017) Filannoon pirezidaantummaa Soomaaleelaand kaleessa adeemsifamaa oole kan marsaa afraffaati.Waggoota shan turuudhaan yeroo afur adeemsifameera jechuudha.

Filannoon ammaa sababoota adda addaatiin yeroonsaa darbuudhaan waggaa lama erga turee booda adeemsifame.Akkaataa kanaan Pirezidaantiin Amma Soomaaleelaand bulchaa jiran Muusee Bihii waggoooota torbaaf pirezidaantummaadhaan turaniiru.Waggoota shan irratti waggoonni lama yoo dabalaman waggaa torba ta’aamiiree?

Filannoo pirezidaantummaa kaleessaa kana irratti paartiiwwan morkattoota dabalatee nama saditu pirezidaantii biyyattii ta’uuf morkate.Pirezidaant Muusee Bihiinis morkataniiru,itti fufuudhaan Soomaaleelaand bulchuu barbaadan.

Gabaasi Rooyitars akka mul’isetti filannoon kaleessaa karaa nagaatiin xumurame.Lammiiwwan Soomaaleelaand lakkoofsaan miliyoona tokko ta’an sagalee kennaniiru.Bu’aan yeroo har’a ifoomsama jedhamee eegamaa jira.

Sadeen keessaa eenyullee moo’atu waliigalteen dhimma balbala galaanaa irratti Mootummaa Itiyoophiyaa wajjin waggaa har’a mallatteeffame gonkummaa akka hingufanne himamaa jira.

Kan filannoo pirezidaantummaa ammaa kanaan moo’ate akkuma mootummaa hundeesseen waliigaltee Itiyoophiyaa wajjin taasifame hojiirra kan oolchu akka ta’e eerameera.Waliigalteen Itiyoophiyaan balbala galaanaa argachuuf Soomaaleelaand wajjin mallatteessite faayidaa waloo mirkaneessuu irratti kan bu’uuraayedha.Kanaaf hojiirra ooluunsaa waan hinoolle akka ta’e mirkanaa’aa jira.

Diinni lolus,sababa waliigaltee kanaatiin huuruu dhiibuus,ergamtoota qopheeffatee Nagaa Itiyoophiyaa booressuuf itti fufiinsaan carraaqus wixiffannaan  Itiyoophiyaa gufachiisf taasise gonkumaa hinmilkoofneef.Itiyoophiyaan keenyaa moo’attee jirti kan jennu sababoota qabatamaa ta’aaniin akka ta’e qalbeeffachuun dansaa!