Giiftii Duree Zinnaash Taayyaachoon Kitaaboleefi meeshaalee Mana Kitaabaa Abrihootiif gumaachaniiru
(YMN,Finfinnee, Onkololeessa 22/2017) Hojiiwwan Tola ooltummaatiin Beekkamtii kan goonfatan Giiftii Duree Zinnaash Taayyaachoon Kitaabolee kuma 2fi meeshaalee dubbistoota Qaroo dhabeeyyiif gargaaru ‘Orcam Myeye’ jedhamu 25 Mana Kitaabaa Abrihootiif gumaachaniiru.
Kitaaboleenfi meeshaaleen kunneen Dhaabbata ‘book for Africa’ jedhamurraa deeggarsaan kan argame ta’uu odeeffannoon Waajjira Giiftii Dureerraa argame ni mul'iseera.
Haati warraa muummicha ministiraa Dr.Abiy Ahmad Zinnaash Taayyaachaw kanaan dura Naannolee adda addaatti maallaqa deeggarsaan argatan ramaduudhaan manneen barnootaa sadarkaa 2ffaa ijaaramuun tajaajila kennu akka jalqaban taasisaniiru.
Kana malees Finfinnee dabalatee Magaalaawwan Naannolee adda addaa keessatti warshaa Daakuufi manneen Daabboo ijaarsisuudhaan tajaajilaaf geessisuu akka danda'an nibeekama.
Deeggarsi amma mana kitaabaa Abrihotiif taasisanis qaama hojii tajaajila tola ooltummaa Giiftii Duree Zinnaash Taayyaachaw akka ta'e hubatameera
0 Comments