Ji'oota Shanan Darban Galiin Birrii Biiliyoona 300 caalu walitti qabameera

  

(YMN Finfinnee Muddee 17/2017) Ministirri Galiiwwanii Ayinaalam Nugusee akka himanitti ji’oota shanan darban keessatti birrii biiliyoona 300fi biliyoona 80 walitti qabuun danda’ameera.

Raawwii sassaabbii galii waggoota jijjiiramaa darban keessa ture ilaalchisuun ministirri galiiwwanii ibsa kennaniin Karoora misooma biyyaalessaa hojiirra oolchuuf galii biyya keessaa fooyyessuufi guddisuun akka dandeettii ijootti ilaalama jedhan.

Kunis bu’uuraalee misoomaa babal’isuun fedhii misoomaa ummanni qabu guutuuf akka gargaaru himan.

Adde Ayinaalam galii biyyaa daran dabaluuf hojmaata galii walitti qabuu irratti fooyyessi akka taasifame beeksisaniiru.

Muummichi ministiraa Itiyoophiyaa Dr.Abiy Ahmad dhimma bajata biyyaa irratti yaada kanaan dura kennaniin bajanni waggaa dhufuu birrii Tiriliyoona tokka ga’uuf hojjetamuu qaba jechuun akka dubbatan niyaadatama.