Kanatu Barbaadama!Tuulaa Qawwee

Mootummaanis ta’e Ummanni bal’aan kana barbaada.Hidhattoonni hundumtuu daandii nagaa akka filataniif irra deddeebiidhaan waamchi nagaa dhiyaachaa tureera.

Hidhattoonni Naannoo Amaaraa godina shawaa kaabaa aanaa ‘Miiddaa Waramoo’ jedhamu keessa socho’aaa turan waamicha kanaaf deebii kennaniiru.Awwaataniiru.Lakkoofsaan 467 akka gahantu himame.Deebii kennan kanaaf mootummaas ta’e ummata biraa galata guddaa qabu.

Tuulaan qawwee kun waa malee hinmul’anne.Hidhattoota karaa nagaatti deebi’an kana irraa walitti qabame.Diinni haqa kana nihaala,waan ijaan argus sababa uumuudhaan akka waakkatu beekamaadha.Egaa diinni waakkates dhiises  waan qabatamaan ta’e kana fashaleessuun waan danda’amu hinta’u.

Abjuun warra kaabaa kanaan fashalaa’aa jira.Wanti abdatan hunduu jalaa diigamaa jira.Hidhattootatti fayyadamuudhaan mootummaa jijjiiramaa jilbiinfachiifna jedhanii yaadan.Wanti yaadan kan karoofatan galma akka hingeenyeef  kunoo qabatamaan mul’achaa jira.

Shirri waayyaaneen abbaashii Shaabiyaa wajjin shirte erguu gahuu akka hindandeenye Misraanis  qalbeeffachuunshii waan hinoolledha. Qindoominni Soomaaliyaan,Misiraafi Eertiraan tibbana irra deebiidhaan uummatan hidhattoonni karaa nagaatti waan deebi’aa jiraniif bishaan jalaa dhugeera.Sussukni Itiyoophiyaan badhaadhina waaraaf eegalte ammoo finiinuudhaan kan itti fufu ta’a.