Sagantaa Wabii Nyaataa Itiyoophiyaa

(YMN Finfinnee Sadaasa 19/2017) Hojiirra oolmaan sagantaa wabii nyaataa kan marsaa 5ffaa qoratameera.Sagantaan kun waan hojiirra ooleef Magaalaafi Baadiyaatti  lammiiwwan hedduutu fayyadamaa jira.Sagantichi kan hojiirra oolaa jiru misoomaafi abdii fuulduroo lammiiwwanii jiddu galeessa taasifachuudhaan akka ta'e nibeekama.

Mirri  gargaaramtummaa  lammiiwwan keessatti akka hinuumamne taasisuudhaan  hojjetama.Kanneen hojiirra oolma sagantichaatiin fayyadamaa jiran dhawaataan of danda'uun saganticha keessaa akka ba'an taasifama.Hojjetanii carraaqqachuudhaan deeggarsa sagantaa kanaan kennamu argatu.

Sagantaan qindoomina mootummaa Itiyoophiyaafi Dhaabbilee idil addunyaa tola ooltoota jedhaman deeggarsa gumaachaniin hojiirra oolaa jiru kun amma yeroo 5ffaaf Itiyoophiyaatti kan qoratame marsaa itti aanu milkaa'inaan hojiirra oolchuun akka danda'uuf yaadameeti.

Odeeffannoo dhimma gargaarsaa wajjin walqabatee jiru kan birootiin diinonni Itiyoophiyaa biyyi keenya idduma kanaan duraa jirti jedhanii yaadaa akka jiran quba qabduuyii?Weellisaan beekamaan biyya Ayarlaand Boob Giildoof weelluu waamicha gargaarsaa waggoota afurtamaan dura bara beelaa 1977 baase marsaa afraffaan tibbana baaseera.

Gocha kana muummicha ministiraa Dr.Abiy Ahmad dabalatee qaamoleen gara garaa balaaleeffataniiru.Dr.Abiy weelluun kun yeroo ammaatti faayidaa isaarraa miidhaa geessisutu caala jechuun balaaleeffatan.Sababiin qabataamaan balaaleeffannaa isaanii Itiyoophiyaan har'a iddoo durii hinjirtu kan jedhu akka ta'e hubatameera.Dhugaadha!Biyyi keenya Itiyoophiyaan ammaan tana iddoo duriirra akka hinjirre hundatu beeka.Diinni ammoo dhugaa qabatamaan jiru hunda caalaa beeka.Kanaaf Itiyoophiyaa gadi qicuuf maqaa gaarii ijaarrachaa jirtu busheessuuf adeemsa kanaanis galii dhuunfaa bare argachuuf socho'aa jira.

Boob Giildoof faayidaawwan bara Waayyaanneetti maqaa Investimantiitiin argachaa ture yeroo badhaadhinaatti dhabuuf waan dirqameef Itiyoophiyaa keenya irratti haaloo qabachuudhaan weelluu waamicha gargaarsaa irra deebi'uun maxxanse.Kanaanis faayidaa lama argata.Faayidaan jalqabaa deeggarsa arjoomtotaatiin galii dhuunfaa walitti qabachuu yoota'u faayidaan lammataa maqaa Itiyoophiyaa busheessuun diinota Itiyoophiyaa irraa deeggarsa itti fufiinsa qabu argachuudha.

Itiyphiyaan gargaarsa Qamadii  biyyaalee lixaa irraa waggaa waggaan eeggattu keessaa baatee omisha Qamadiitiin of danda’uunuu garaa diinaa bobeessaa akka jiru quba qabnaa laata?Tuttuqaan diinaafi inaaftotaa carraaqqii hiyyummaa keessaa ba’uuf taasisaa jirru daran akka finiinsu shakkiin hinjiru.

 

Odeeffannoowwan dabalataa beekumsa isiniif dabalan idduma jirtanitti argachuu yoofeetan kanneen irraayis hordofuu dandeessu:

Blog: https://yaadimedianetwork.blogspot.com/

Medium.com: https://medium.com/@Yaadimedianetwork

Facebook page: https://www.facebook.com/Itiyoophiyaakoo

X.com: https://x.com/Qaroomina

Telegram: https://t.me/yaadimedianetwork

Instagram: https://www.instagram.com/yaadimedianetwork/

Linkdein:  https://www.linkedin.com/in/yaadimedianetwork/

Pinterest: https://www.pinterest.com/yaadimedianetwork/

Youtube: https://www.youtube.com/@yaadimedianetwork

Tik Tok: https://www.tiktok.com/@yaadimedia1/